اللحوح التعزي

 

عشر طرق لعلاج المغص للرضع:

1- الرضاعه الطبيعيه بالطريقه الصحيحه:

من أهم الاسباب للمغص والبكاء المستمر للطفل هو الرضاعه بطريقه خاطئه وعدم تناول حلمه الثدي وده بيخلي الطفل يبلع كميات كبيره من الهواء وبيسبب نوبات مغض.

2- تجنب الأم الاطعمه اللي ممكن تسبب المغص للطفل :

الاطعمه اللي بتسبب تهيج في معده الطفل الرضيع زي (البصل - الكرنب - القرنبيط - الكرات) وشرب المشروبات زي (الشاي - القهوه - المشروبات الغازيه).

3- تغيير نوع اللبن الصناعي:

لو الطفل بيعتمد على اللبن الصناعي ولاحظنا حدوث نوبات مغص متكرره لازم نراجع دكتور الاطفال في نوع اللبن المناسب للطفل.🙏🙏

4- علاج ارتجاع المرئ عند الرضع:

من اهم الوسائل للتخلص من المغص عند الرضع هو التأكد من ان سبب البكاء ليس ارتجاع في المرئ وبيختفى البكاء ونوبات المغض لو تم علاج الارتجاع.👍👍

5- حمل الرضيع:

من الطرق اللي ممكن نستخدمها هو اننا نشيل الطفل ونتمشى بيه لمسافه قصيره ... واحتضان الطفل واحساسه بالامان بيقلل المشكله.😍

6- الضوضاء البسيطه:

دي احدى الطرق اللي ممكن نستخدمها فيها بعض الاصوات زي صوت مروحه او مكنسه او تليفزيون... الاصوات دي قريبه من صوت تدفق الدم في الرحم فبتهدي الطفل😐😄😍.

7- استعمال السكاته لوقت صغير:

بالرغم من بعض التحفظ على استعمال السكاته للطفل ولكن ليها فايده اننا لو استخدمناها لفتره صغيره ليها رده فعل قويه على تهدئه الطفل.🙄🤨

8- تمارين البطن:

تمارين البطن بضم رجل الطفل على بطنه وعمل تدليك للبطن باستخدام الزيت بيقلل الانتفاخات والغازات.

9- حمام دافئ:

الحمام الدافئ بيقلل التوتر في عضلات الطفل وبيساعده على الاسترخاء ودخوله في النوم بشكل سريع.😍

10- عدم اعطاء الطفل اي مستحضرات او علاج الا باستشاره الدكتور:

الاعشاب غير امنه على الطفل وملهاش اي فعاليه لعلاج المغص .... ماء غريب غير معتمد من منظمه الدواء وعشان كده مش بننصح بيه ... ماء الارز في الببرونه قبل عمر الست اشهر ممكن يتسبب في شرقه او اختناق لا قدر الله ... مستحضرات زي الثايميسكون والدنتينوكس هي الاكتر فاعليه ونرجع للدكتور الاطفال عشان يحدد لنا الجرعه..